«Դուք ո՞վ եք, որ աջակցեք բանակցություններում, երբ ինքներդ ի վիճակի չեք բանակցելու»․ Սաքունց

Իրավապաշտպան Արթուր Սաքունցը գրում է. «Շատ, շատ շատ ենք խնդրում, մի աջակցեք էլի, անչափ գոհ ենք Ձեր աջակցությունից։ Ինչքան աջակցել եք, արդեն գոհ ու բավարարված ենք մինչև սրտի խորքը։
Իսկ եթե լուրջ, Դուք ո՞վ եք, որ աջակցեք բանակցություններում, երբ անգամ ինքներդ ի վիճակի չեք բանակցելու, այլ միայն՝ պատերազմելու, ագրեսիա անելու, ու միջազգային բոլոր նորմերի վրա թքած ունենալով։
Համ էլ, փոխանակ մտածելու Հաագայի դատարանում փաստաբան ունենալու մասին, այս ինչեր է անցնում մտքներովդ»։

Հիշեցնենք, որ ավելի վաղ ՌԴ ԱԳՆ պաշտոնական ներկայացուցիչ Մարիա Զախարովան հայտարարել էր, որ Մոսկվան պատրաստ է աջակցել Երևանի և Բաքվի միջև բանակցություններին։