«Անկախությունը իշխանության, խորհրդարանական «ընդդիմության» և «արտախորհրդարանական» եսիմինչության պլանների մեջ չի մտնում»․ Կ․ Հեքիմյան

«Քաղաքացու իրավունքների պաշտպան» Կարեն Հեքիմյանի գրառումը. «Նկատե՞լ եք, որ իշխանությունը, խորհրդարանական «ընդդիմությունը» և «արտախորհրդարանական» եսիմինչությունը գրեթե չեն խոսում Ուկրաինայից: Կարծես՝ Ուկրաինա չկա: Աղ, աղաման, սիգարետ, Թաթարստան, այրի, արու, կոկորդիլոս, ապագա, կաթուցիչ կա, իսկ Ուկրաինա՝ չկա:
Գիտե՞ք, թե ինչու Ուկրաինայից չեն խոսում: Որովհետև, Ուկրաինան պատերազմում է անկախության համար: Իսկ անկախությունը Հայաստանի իշխանության, խորհրդարանական «ընդդիմության» և «արտախորհրդարանական» եսիմինչության պլանների մեջ չի մտնում: Ավելին՝ նրանց համար անկախությունը փակ թեմա է: Նրանց համար անկախության էտալոնը Թաթարստանն ու Լուգանդոնն են: Հենց այդ պատճառով է, որ հայ հասարակությանը սրանք անընդհատ փորձում են տեղավորել իրենց օրակարգում՝ դավաճան, խաղաղության դարաշրջան, Երևան-Ստամբուլ, տելեգրամյան ալիքներ, արաբաթ, գաղտնի փաստաթղթեր, էկոնոմիկայի նախարար և այսպես շարունակ: Սրանց բոլորի նպատակն այն է, որ ամեն ինչի մասին խոսենք, իրար ուտենք, սակայն անկախության մասին մոռանանք: Դե, Ուկրաինային նայելով կարող ենք շեղվել: Ավելի լավ է անհայտ ծագման տելեգրամյան ալիքների հայտնած տեղեկությունները քննարկենք:
Կներեք, սակայն առկա իշխանությամբ, խորհրդարանական «ընդդիմությամբ» և «արտախորհրդարանական» եսիմինչությամբ մենք անգամ Թաթարստան կամ Լուգանդոն չենք դառնա»: