«Որպեսզի էլ ոչ մեկ լկտիություն չունենա ասել՝ ինչ պետք ա, էդ էլ բանակցում ենք». Հայկ Մամիջանյանը՝ նախագծի մասին

Ինչպես հայտնել էինք, «Պատիվ ունեմ» խմբակցության նախաձեռնությամբ հրավիրվել են խորհրդարանական լսումներ՝ ««Ազգային ժողովի կանոնակարգ» սահմանադրական օրենքում լրացում կատարելու մասին» օրենքի նախագծի վերաբերյալ: Հայկ Մամիջանյանը, ներկայացնելով նախագծի բուն էությունը, ասաց. «Այս օրենսդրական նախաձեռնությունը կատարում ենք նրա համար, որպեսզի էլ ոչ մեկ երբեք լկտիություն չունենա ասել՝ ինչ պետք ա, էդ էլ բանակցում ենք: Որպեսզի երբեք ԱԺ-ն չհայտնվի լուսանցքում՝ բանակցային որոշումների կայացման ժամանակ.... Օրենքը ենթադրում է, որ ՀՀ ԱԳ նախարարն ու վարչապետը համապատասխանաբար 3 ու 6 ամիսը մեկ գրավոր զեկույց են ներկայացնում ԱԺ-ին՝ հիմնական արտաքին քաղաքականության բանակցային ուղղություններում կատարված աշխատանքի ու վիճակի վերաբերյալ: Զեկույցները ստանալուց հետո պատգամավորների 25 տոկոսի ստորագրությամբ նշված պաշտոնյաները հրավիրվելու են ԱԺ՝ փակ նիստում զեկուցելու ու հարցերին պատասխանելու համար»: