Արարատ Միրզոյանը՝ Արցախում ադրբեջանցիների կողմից գազամատակարարման խափանման մասին

Այսօր՝ ԱԺ-Կառավարություն հարցուպատասխանի ժամանակ, ԱԳ նախարար Արարատ Միրզոյանը, ի պատասխան ադրբեջանցիների կողմից Արցախում գազամատակարարման խափանման վերաբերյալ հարցին, ասաց․ «Ինչպես գազմատակարարման խափանման առաջին դեպքում, այնպես էլ այս անգամ անմիջապես գործի են դրել մեր բոլոր դիվանագիտական ջանքերը»։

Նախարարը դժվարացավ նշել գազամատակարարման խափանման պատճառը։

«Սերտ կապի մեջ ենք ռուսաստանցի գործընկերների հետ, որովհետև վթարը կամ այս դեպքում պարզ չի՝ ինչպես դրան անվանել, ըստ երևույթին վթար չի, ամեն դեպքում վնասված կամ փակված տեղանքը գտնվում է խաղաղապահների պատասխանատվության գոտում»,- ասաց նա՝ նշելով, որ հարցը դեռ լուծված չէ։