Երկուշաբթի, 23 փետրվարի, 2026 թ.
|
Ստեփանակերտում`   +5 °C

«Հետաքրքիր նորություններ են գալիս թշնամի պետություններից». Արման Աբովյան

«Հետաքրքիր նորություններ են գալիս թշնամի պետություններից». Արման Աբովյան
610
Չորեքշաբթի, 30 մարտի, 2022 թ., 15:06

ԱԺ նախկին պատգամավոր Արման Աբովյանը գրում է. «Հետաքրքիր նորություններ են գալիս թշնամի պետություններից։ Գաղտնիք չի հանդիսանում այն փաստը, որ Ադրբեջանն իր ռազմա-քաղաքական և դիվանագիտական անկախությունը լիարժեք հանձնել է թուրքերի տրամադրության տակ, իսկ ավելի եթե հստակ, ապա թուրքերը փաստացի ղեկավարում են Ադրբեջանը։ Պարզ է, որ այդ ընթացքը լիովին համապատասխանում է թուրքական դոմինանտության կոնցեպտին թուրքալեզու պետությունների քաղաքական և ռազմական ուղղությունների նկատմամբ։

Սակայն պետք է նաև փաստել, որ թուրքական կողմը բավական հետևողական է իր տակ վերցնի նաև Ադրբեջանի ներքին ռիսկերի կառավարման վերահսկողության գործիքները։

Այդ իսկ պատճառով Ադրբեջանի և Թուրքիայի Ներքին գործերի նախարարությունների միջև կնքվեց մի համաձայնագիր, ըստ որի՝ թուրքերի ոստիկանական ուժերը կստանան իրավունք օգնություն ցուցաբերել ադրբեջանական ոստիկանությանը «կանխել» ինչ-որ գործընթացներ, որոնք կվտանգեն «ներքին կայունությունը» Ադրբեջանում։

Կարելի է փաստել, որ թուրքերը լեգիտիմացնում են իրենց ակտիվ վերահսկողությունն Ադրբեջանի ներքին գործընթացների հանդեպ։ Ի՞նչ է դա նշանակում, կարծում եմ՝ բացատրելն ավելորդ է»։

«Հետաքրքիր նորություններ են գալիս թշնամի պետություններից». Արման Աբովյան
«Հետաքրքիր նորություններ են գալիս թշնամի պետություններից». Արման Աբովյան
Աղբյուրը`   Արման Աբովյան