«Իշխանությունն ու ընդդիմությունը պարում են օտարների տված շաբաշով». Ոսկան Սարգսյան

Լրագրող Ոսկան Սարգսյանը գրում է. «Ապրիլի 5-ին Ազատության հրապարակում հանրահավաքի մասնակիցների թիվը կարող էր բազում անգամ մեծ լինել, եթե խորհրդարանական ընդդիմությունն Արցախի խնդրից զատ օգտագործեր նաև հանրության դժգոհությունը սննդամթերքի գների վերջին, անհիմն թանկացումներից, կենսաթոշակների, ընտանեկան նպաստների ցածր գումարներից, այն բանից, որ թավշիստների իշխանությունը պետական բյուջեն մսխում է պաշտոնյաներին պարգևատրումների, մեկ անձից հրատապ գնումների, պաշտոնյաների համար թանկ ավտոների գնման, սակայն ոչ՝ կենսաթոշակների, ընտանեկան նպաստի, նվազագույն աշխատավարձի չափի բարձրացման համար, եթե ընդդիմությունն օգտագործեր մարդկանց դժգոհությունը նաև տիրող իրավական կամայականություններից, ՔՊ-ակաների անօրինականություններից։ Այսօր հանրահավաքում ԱԺ փոխնախագահ Իշխան Սաղաթելյանը հայտարարեց նոր պայքարի մեկնարկի մասին, հին պայքարը, դիմադրության կայքը ի՞նչ եղան։ Խորհրդարանական ընդդիմության պայքարի ակտիվությունը սառում է հյուսիսից փչող ցուրտ հոսանքից, արտախորհրդարանական ընդդիմության ակտիվությունն էլ պայմանավորված է անդրօվկիանոսյան տաք հոսանքով։ Ցավոք, Հայաստանի իշխանությունն ու ընդդիմությունը Հայաստանի հանրության ծափերի ներքո պարում են օտարների տված շաբաշով, ուրիշ հավա գյուդում չեն, գյուդում չեն»։