«Կըմբոստանա՞ք, եթե ստորագրվի Արցախն Ադրբեջանի մաս ճանաչող փաստաթուղթ»․ լրագրողը՝ Քերոբյանին

«Ընդհանուր առմամբ ես ամբողջությամբ համաձայն եմ նրա հետ, ինչ-որ ասվեց, բայց ավելի շատ բան ես չգիտեմ»,- այսօր՝ լրագրողների հետ ճեպազրույցում, պատասխանելով Կառավարության նիստին վարչապետ Նիկոլ Փաշինյանի ելույթի վերաբերյալ հարցին, ասաց Էկոնոմիկայի նախարար Վահան Քերոբյանը։

Հարցին, թե որպես Կառավարության անդամ, նախարարը կըմբոստանա՞, եթե ստորագրվի մի փաստաթուղթ, որով Արցախը կճանաչվի Ադրբեջանի մաս, Քերոբյանն ասաց․

«Իրադարձությունների զարգացումը ցույց կտա։ Համենայնդեպս, Կառավարությունը և քաղաքական թիմն իր նախընտրական ծրագրով նշել է, որ իր օրակարգը խաղաղության օրակարգ է, և էդ օրակարգով ենք մենք ընտրվել, և ՀՀ քաղաքացիներն իրենց քվեն տվել են հենց խաղաղության օրակարգի օգտին, որը մենք հետևողականորեն, ինչպես նշեց վարչապետը, առաջ ենք տանում»։

Դիտարկմանը, որ քաղաքացիները քվե չեն տվել, որ Արցախը ճանաչվի Ադրբեջանի մաս և խաղաղությունը այդ գնով հաստատվի։

«Խնդրում եմ այլ հարցեր տվեք»,- ասաց Քերոբանը։