«Ազատության հրապարակն ինչո՞ւ չի լցվում»․ լրագրողը՝ Թովմասյանին

«Խորհրդարանական ընդդիմությունը մշակել է պայքարի ապակենտրոն և ցանցային տակտիկա»,- այսօր Ազատության հրապարակում լրագրողների հետ զրույցի ժամանակ հայտարարեց «Պատիվ ունեմ» խմբակցության պատգամավոր Թագուհի Թովմասյանը։

«Առաջիկա օրերին դուք կտեսնեք պայքարի տարբեր ձևեր»։

Հարցին, թե ինչու են հապաղում, Թովմասյանը պատասխանեց․

«Մենք սպասում ենք կրիտիկական զանգվածի ձևավորման գործընթացի արդյունավետ իրականացմանը»։

Դիտարկմանը, թե չորս օրվա ընթացքում չի նկատվում, որ ավելանա համակիների թիվը, Թովմասյանը պատասխանեց․ «Առաջին օրը, երբ պարոն Վանեցյանը նստեց Ազատության հրապարակում, շատ ավելի քիչ թվով մարդիկ էին, քան երկրորդ, երրորդ օրը»։