Երկուշաբթի, 07 հուլիսի, 2025 թ.
|
Ստեփանակերտում`   +17 °C

Էդուարդ Աղաջանյանը՝ Չավուշօղլուի ազգայնական ժեստի վերաբերյալ

Էդուարդ Աղաջանյանը՝ Չավուշօղլուի ազգայնական ժեստի վերաբերյալ
1562
Կիրակի, 24 ապրիլի, 2022 թ., 22:30

ԱԺ արտաքին հարաբերությունների մշտական հանձնաժողովի նախագահ, իշխող «Քաղաքացիական պայմանագիր» կուսակցության պատգամավոր Էդուարդ Աղաջանյանը ֆեյսբուքյան իր էջում գրել է. «Հայոց ցեղասպանության 107-րդ տարելիցի նախօրեին Թուրքիայի ԱԳ նախարար Մևլութ Չավուշօղլուի ազգայնական ժեստը՝ ցուցադրված Մոնտեվիդեոյում հայ համայնքի ներկայացուցիչներին, դատապարտելի գործողություն է և ոչ մի կերպ չի նպաստում երկու ժողովուրդների միջև փոխըմբռնման մթնոլորտի և երկխոսության ձևավորմանը։ Ողջունում ենք ուրուգվայական կողմի անհապաղ արձագանքը՝ Թուրքիայի դեսպանին երկրի արտաքին գերատեսչություն կանչը՝ բացատրություններ ներկայացնելու համար»:

Ավելի վաղ հայտնել էինք, որ Ուրուգվայում Թուրքիայի նոր դեսպանատան բացումից հետո տարածքից հեռացող Թուրքիայի ԱԳ նախարարը իր դեմ բողոքի ակցիա իրականացնող հայերին «Գորշ գայլերի» նշանն է ցույց տվել: Դրանից հետո Ուրուգվայում Թուրքիայի դեսպանը կանչվել է ԱԳՆ:

Չավուշօղլուն Ցեղասպանության զոհերի ժառանգներին «Գորշ գայլերի» նշանն է ցույց տվել
Աղբյուրը`   Էդուարդ Աղաջանյան