«Չորս տարի առաջ Նիկոլ Փաշինյանը ձեզ խաբել է»․ Ի․ Սաղաթելյանը սպիտակ գույնով ներկեց կարմիր գծերը

ԱԺ փոխխոսնակ, ՀՅԴ ԳՄ անդամ Իշխան Սաղաթելյանը «Դիմադրություն» շարժման իրազեկման երթի ընթացքում սպիտակ գույնով ներկեց Տիգրան Մեծ պողոտայի ճանապարհի ավտոմեքենաների կայանման համար նախատեսված վճարովի կարմիր գծերը:

«Չորս տարի առաջ Նիկոլ Փաշինյանը ձեզ խաբել է, մոլորեցրել ու իշխանության եկել: Հիշո՞ւմ եք առաջին խոստումները. տեսախցիկները հանելու եմ, կարմիր գծերը վերացնելու եմ: Ինքը խաբել է ձեզ, չի վերացրել և չի անելու: Եկեք պայմանավորվենք ու մենք իր խոստումները, որոնք նա չորս տարի առաջ մինչև իշխանության գալը խոստացել է, կատարենք»,- ասաց պատգամավորը: