Բախում՝ ակցիայի մասնակիցների և ոստիկանների միջև․ Վանեցյանը պարզաբանում է

Քիչ առաջ իրարանցում սկսվեց իրազեկման երթ իրականացնող քաղաքացիների և ոստիկանների միջև․ «Ինձ տեղեկացրին, որ ոստիկանները հարվածել են ինչ-որ քաղաքացու, որից հետո սկսվեց այդ քաշքշուկը։ Գիտե՞ք դա ինչի է նմանվում՝ իշխանությունը հոգեվարքի մեջ է, վերջին ճիգերն է գործադրում, փորձում են ճնշել մասնակիցներին։ Ինչքան իրենց էսպես պահեն՝ ավելի շուտ է իրենց վերջը գալու»,- ասաց «Հայրենիք» կուսակցության առաջնորդ Արթուր Վանեցյանը։

Նա հորդորեց ուժայինների ներկայացուցիչներին «դուրս չգալ լիազորությունների շրջանակից և ծառայել երկրին, ոչ թե անձերին և խմբակներին»։

Վանեցյանը ակցիայի մասնակիցներին կոչ արեց՝ չընդհարվել ոստիկանների հետ և սադրանքի չըտրվել։