«Ճիշտ եք անում, որ մտահոգվել եք, ճիշտ եք գնահատում, որ ձեզ շատ քիչ է մնացել»․ Վանեցյանը՝ իշխանություններին

«Իշխանություններին ուզում եմ մի խորհուրդ տալ՝ ճիշտ եք անում, որ անհանգստացել եք, ճիշտ եք անում, որ մտահոգվել եք, ճիշտ եք գնահատում, որ ձեզ շատ քիչ է մնացել, որ ժողովուրդը խաղաղ, անհնազանդության ակցիաներով, հանրային մեծ ճնշմամբ շատ կարճ ժամանակում հասնելու է իշխանությունների հեռացմանը»,- Ազատության հրապարակում հրավիրած մամուլի ասուլիսի ընթացքում ասաց «Հայրենիք» կուսակցության առաջնորդ Արթուր Վանեցյանը՝ հավելելով․ «Բայց, եթե կլինեն սադրանքներ, ուժի անհամաչափ կիրառում կամ անօրինականություն, բոլորը դրա համար պատասխան են տալու»։