«Փոխզիջում բառը մեր քաղաքական լեքսիկոնում չպիտի լինի». օգտատերերը հիշեցնում են Ալեն Սիմոնյանի խոսքերը

Համացանցի օգտատերերը հիշեցնում են հեղափոխությունից ընդամենը մեկ տարի առաջ՝ 2017 թվականին Ալեն Սիմոնյանի հարցազրույցը «Կենտրոն» հեռուստաընկերությանը, որտեղ նա խոսում է Արցախի հարցում փոխզիջումների անթույլատրելիությունից: «Մենք ասում ենք ընդհանրապես փոխզիջում բառը մեր քաղաքական լեքսիկոնում չպիտի լինի: Որովհետև մենք, երբ այդ բանն ասում ենք, մենք հարվածի տակ ենք դնում Արցախն ու Արցախի ժողովրդին: Որովհետև ինքն ասում ա՝ ես քեզ սպանելու եմ, մենք պատերազմը հաղթել ենք, ասում ենք՝ հողերը հետ տանք: Էն հռետորաբանությունը, չակերտավոր քաղաքական ապրանքը, որ ուզում են մեր հանրությանը վաճառել, չեն կարողանալու վաճառել: Ապրիլի 2-ին, այն օրը, երբ մի տարի առաջ 110 երիտասարդ կանգնել, էդ հողը պաշտպանել է, հիմա մի տարի անց ապրիլի 2-ին մարդուն ասել՝ գիտես ինչ, գնա քվեարկի, որ մենք էդ հողը հետ տանք, դրանից վատ բան չէր կարա լինի»,- բառացիորեն ասում է այժմ Ազգային ժողովի նախագահի պաշտոնն զբաղեցնող Ալեն Սիմոնյանը: