Շաբաթներով հայկական պետհամարանիշներով բեռնատարներն արգելափակված են Թբիլիսին շրջանցող ճանապարհին

2986

Կիրակի, 29 մայիսի, 2022 թ., 19:42

Շաբաթներով հայկական պետհամարանիշներով բեռնատարներն արգելափակված են Թբիլիսին շրջանցող ճանապարհին, շաբաթներով վարորդները տառապում են օտար ամայի ճամփեքին, իսկ արտահանողները նյութական վնասներ են կրում։ Այս մասին իր ֆեյսբուքյան էջում գրել է ԱԺ «Հայաստան» խմբակցության պատգամավոր Արթուր Խաչատրյանը:

Կառավարություն ունենք, աշխարհը չունի։ Շաբաթներով հայկական պետհամարանիշներով բեռնատարներն արգելափակված են Թբիլիսին շրջանցող ճանապարհին, շաբաթներով վարորդները տառապում են օտար ամայի ճամփեքին, իսկ արտահանողները նյութական վնասներ են կրում։ Լավ, ասենք ձմռանը Լարսը փակ էր, իսկ հիմա՞։ Սենց էլ անբաշար կառավարություն կլինի՞։ Կառավարությունը կազմվում է խնդիրներ լուծելու, այլ ոչ թե ձախողումների համար արդարացումներ գտնելու համար։ Հիմա էլ են նախկինները մեղավոր, թե՞ Ղարաբաղն է մեղավոր։ Արբանյակի փոխարեն ապահովեք, որ վարորդները Վրաստանով կարողանան անցնել։
Այս տիեզերական անբաշարությունը տեսնելով սկսում եմ կասկածել, որ հայկական կողմն է այս ամեն ինչն ինքն է դիտմամբ կազմակերպում, որ հետո ասի․ «Տեսնու՞մ եք, Լարսը փակ է, եկեք թուրքերի ու ադրբեջանցիների պահանջները կատարենք, որ Թուրքիայով ճանապարհը բացեն»»,- գրել է նա:

Աղբյուրը` Արթուր Խաչատրյան