«Այսօր Ալիևը հայտարարել է՝ ես Նիկոլ Փաշինյանի հետ ունեմ պայմանավորվածություն»․ Սաղաթելյան

«Մարդը բացահայտ հայտարարում է, որ դեմ չի Արցախը լինի Ադրբեջանի կազմում։ Եվ այսօր Ալիևը հայտարարել է՝ ես Նիկոլ Փաշինյանի հետ ունեմ պայմանավորվածություն, որ որևէ պարագայում չխոսվի Արցախի կարգավիճակի մասին»,- Ֆրանսիայի հրապարակում հանրահավաքի ժամանակ ասաց ՀՅԴ ԳՄ ներկայացուցիչ, «Դիմադրություն» շարժման համակարգող Իշխան Սաղաթելյանը։

«ԱԺ այն նիստը, որից իշխող խմբակցությունը փախավ, դրա պատասխանը էսօր տվեց Ալիևը։ Էն որ ամիսներ շարունակ ասում էինք՝ Ալիևը և Նիկոլը ունեն պայմանավորվածություն՝ երկիրը կտոր-կտոր հանձնելու, դեռ կային մարդիկ, ովքեր ասում էին՝ այդպես չէ։ Կարծում եմ՝ գոնե էսօրվանից հետո բոլոր էն մարդիկ, ովքեր ինչ-ինչ հանգամանքներից ելնելով դեռ ջրբաժանի էդ հատվածում են, պետք է հասկանան, որ դավաճանի հետ հավասար պատասխանատվություն են կրում»,- ասաց Սաղաթելյանը։