«Առանց ՔՊ Հայաստան»․ կարմիր ներկ և խաղալիք հրացան՝ ՔՊ գրասենյակի դիմաց

Ֆրանսիայի հրապարակից մեկնարկած անհնազանդության երթը հասավ «Քաղաքացիական պայմանագիր» կուսակցության գրասենյակ․ «Իրենք ֆիզիկական հաշվեհարդար կտեսնեն ցանկացածի հետ, ով դեմ է Հայաստանի թրքացմանը, ով դեմ է թուրք-ադրբեջանական օրակարգի արմատավորմանը Հայաստանում։ Երեկվա սպանդը, որի ակտիվ մասնակիցներն էին այս խմբակցության ահաբեկչական խմբավորման անդամները, ցցուն օրինակն էր»,- ՔՊ գրասենյակի մոտ հայտարարեց «Հայաստան» խմբակցության պատգամավոր Ասպրամ Կրպեյանը։

Երթի մասնակիցները խաղալիք հրացաններ նետեցին գրասենյակի առջև՝ վրան լցնելով կարմիր ներկ՝ նշելով, որ այս պատկերը խորհրդանշում է Փաշինյանի իշխանությունը։

«Նիկո՛լ, դավաճան, Նիկո՛լ, մարդասպան»,- վանկարկումներով ակցիայի մասնակիցները շարժվեցի դեպի Ոստիկանություն։