«Վզի մասով առանձին մեկնաբանություն չեմ կարող տալ». ՔՊ-ական պատգամավոր

Ինչպես հայտնի է, Բարձրագույն դատական խորհրդի՝ լիազորությունները կասեցված նախագահ Ռուբեն Վարդազարյանը հունիսի 20-ին հրապարակել էր ԲԴԽ նախագահի պարտականությունները կատարող Գագիկ Ջհանգիրյանի հետ ունեցած զրույցի ձայնագրությունը։ «Ձայնագրությունը լսելու արդյունքում կա մտահոգություն, բնականաբար: Դատախազությունն ուսումնասիրում է այն, պետք է խնդրեմ՝ սպասել: Բառապաշարի հետ կապված առանձնապես ասելիք չունեմ, ձայնագրությունը հրապարակվային է»,- լրագրողների հետ զրույցում ասել է ՔՊ-ական պատգամավոր Արթուր Հովհաննիսյանը:

Ո՞ւմ կամ ի՞նչը նկատի ուներ Ջհանգիրյանը, երբ ասում էր՝ ես էդ պիտի անեմ, էդ իմ վզին դրած ա, էդ իմ պարտքն եմ համարում հարցին՝ ՔՊ-ականն այսպես պատասխանեց. «Վզի մասով առանձին մեկնաբանություն չեմ կարող տալ որևէ առանձնահատուկ, արդեն ասացի՝ մանրամասները դատախազությունը կքննի, տեղեկատվություն կհրապարակվի, այնուհետև, եթե կարիք լինի, կհնչեցնենք քաղաքական մեկնաբանություն»: