Չորեքշաբթի, 23 սեպտեմբերի, 2026 թ.
|
Ստեփանակերտում`   +17 °C

«Պետական համակարգը լծվել է 44-օրյա պատերազմի հերոսների ծնողներին լռեցնելու գործընթացին»․ փաստաբան

«Պետական համակարգը լծվել է 44-օրյա պատերազմի հերոսների ծնողներին լռեցնելու գործընթացին»․ փաստաբան
245
Երեքշաբթի, 21 հունիսի, 2022 թ., 15:18

Փաստաբան Վահան Հովհաննիսյանի գրառումը․ «Պետական ողջ համակարգը՝ ի դեմս քննչական մարմնի լծվել է 44-օրյա պատերազմի հերոսների ծնողներին լռեցնելու գործընթացին։ Դրա համար օգտագործվում են թույլատրելի և ոչ թույլատրելի բոլոր միջոցները։
2022թ․ հունիսի 16-ին ծնողները հանցագործության մասին հաղորդում էին ներկայացրել քննչական կոմիտեի ղեկավար Արգիշտի Քյարամյանի կողմից առերևույթ հանցագործություն կատարելու դեպքի առթիվ։ Այդ հիմքով միջնորդություն է ներկայացվել նաև քննչական կոմիտեում քննվող քրեական գործն՝ ըստ քննչական ենթակայության ԱԱԾ քննչական դեպարտամենտ ուղարկելու վերաբերյալ։
Դրան հաջորդում է քննչական կոմիտեի պատասխանը՝ քրեական գործն ըստ քննչական ենթակայության ԱԱԾ ուղարկելու փոխարեն, Գալեյանների վերաբերյալ քրեական գործն էլ վերցվում է ԶՔԳՎ վարույթից և տեղափոխվում քննչական կոմիտե։
Վաղը Գալեյանը կանչվել է քննչական գործողությունների։
Պատկերացնում ե՞ք, Գալեյանների վերաբերյալ քրեական գործը քննելու է մի կառույց, որի ղեկավարի դեմ հանցագործության մասին հաղորդում է ներկայացվել Գալեյանների կողմից»։

Աղբյուրը`   Վահան Հովհաննիսյան

Կարդացե՛ք նաև