«Չասեք՝ ԱՄՆ-ն, կամ ՆԱՏՕ-ն, կամ չգիտես էլ ով, կգան ու կվերականգնեն Վիլսոնի գծած սահմանները». Թ. Ալեքսանյան

Վերլուծաբան Թորոս Ալեքսանյանի գրառումը․ «Հետաքրքիր է, ինչո՞ւ է վիլսոնահայությունն այդպես հետևողականորեն մերժում սովետական քարտեզները, այնպիսի տպավորություն է, որ Հայաստանը ունի առնվազն կես միլիոնանոց գերժամանակակից զենքերով մինչև ատամները զինված զորք, որը պատրաստ է ցանկացած պահի աշխարհի երեսից ջնջել Թուրքիան ու Ադրբեջանը, բայց չի անում դա, որովհետև գոյություն ունեն այդ անիծված սովետական քարտեզները:
Ուրեմն այս մասին բազմիցս ասել եմ, հիմա նորից եմ ասում, որ տեղ հասնի.

- Հարգելիսներս, սահմանների փոփոխության մասին խոսում է միայն ու միայն կոնֆլիկտի ուժեղ կողմը, եթե դու ներկա պահին թույլ կողմն ես, ուրեմն պիտի ձգտես պահպանել գոնե այն՝ ինչը ունես, իսկ եթե երկրիդ ներսում գտնվում են մարդիկ, ովքեր այդ բանը չեն հասկանում ու սահմանների փոփոխությունից են խոսում, ուրեմն կամ աննորմալ են, կամ էլ թշնամուդ գործակալներն են, երրորդ տարբերակ ուղղակի գոյություն չունի:
Հա ու հանկարծ չասեք ԱՄՆ-ն, կամ ՆԱՏՕ-ն, կամ չգիտես էլ ով, կգան ու կվերականգնեն Վիլսոնի գծած սահմանները, եթե մենք դիմենք նրանց կամ չգիտես էլ ինչ անենք. հերիք է էշություններ դուրս տաք ու էս խեղճ ժողովրդին խաբեք, ՉԻ ԿԱՐԵԼԻ»: