««Պատիվ ունեմ» խմբակցությունը մնալու է». Վանեցյան

«Հայրենիք» կուսակցության նախագահ, պատգամավոր Արթուր Վանեցյանը՝ մեկնաբանելով պատգամավորական մանդատը վայր դնելու իր որոշումը, մասնավորապես ասաց, որ «Հայրենիք» կուսակցությունն իր գործունեությունը շարունակելու է խորհրդարանից դուրս:

«Պատիվ ունեմ» խմբակցությունը մնալու է, պարզապես դրանում ներկայացված չեն լինելու «Հայրենիք» կուսակցության անդամները»,- ասաց Արթուր Վանեցյանը՝ հավելելով, որ անկուսակցական պատգամավորներն ազատ են իրենց որոշումներում՝ կարող են մնալ խորհրդարանում կամ չմնալ։