Բայդենը ՀՀ-ում ԱՄՆ դեսպանի պաշտոնում մտադիր է առաջադրել Ուկրաինայում ԱՄՆ դեսպանի նախկին պաշտոնակատարին
![]() 94 Հինգշաբթի, 23 հունիսի, 2022 թ., 09:42 Ինչպես տեղեկացնում է Սպիտակ տունը, ԱՄՆ նախագահ Ջո Բայդենը հայտնել է ՀՀ-ում ԱՄՆ դեսպանի պաշտոնին Ուկրաինայում ԱՄՆ-ի դեսպանի նախկին պաշտոնակատար Քրիստինա Քվիենի (Kristina Kvien) թեկնածության առաջադրման մտադրության մասին: Ծնունդով Քալիֆորնիայից Քրիստինա Քվիենն արհեստավարժ դիվանագետ է: Նա Ուկրաինա է ժամանել 2019 թվականի մայիսին և ստանձնել դեսպանի ժամանակավոր պաշտոնակատարի պաշտոնը Ջոզեֆ Փենինգտոնի հեռանալուց հետո: Երկրորդ անգամ Ուկրաինայում ԱՄՆ փոխդեսպան Քրիստինա Քվիենը դեսպանի գործառույթները որպես պաշտոնակատար ստանձնել է 2020թ. հունվարից մինչև մայիսի վերջ: Դրանից առաջ 2016 թվականից մինչև 2019 թվականի ապրիլ նա զբաղեցրել է Փարիզում ԱՄՆ-ի փոխդեսպանի պաշտոնակատարի, դեսպանատան Տնտեսական հարցերով խորհրդականի պաշտոնները: Բացի այդ, իր դիվանագիտական գործունեության ընթացքում Քրիստինա Քվիենը տարբեր պաշտոններ է զբաղեցրել Թայլանդի, Մեծ Բրիտանիայի, Ռուսաստանի, ԵՄ-ի, Ֆիլիպինների ամերիկյան դիվանագիտական առաքելություններում: Վաշինգթոնում ԱՄՆ-ի պետքարտուղարությունում նա աշխատել է Եվրոմիության խնդիրների և Սլովենիայի հետ երկկողմ հարաբերությունների ոլորտներում: Ավելի վաղ իր կարիերայի ընթացքում Քվիենը Վաշինգթոնում Ազգային անվտանգության խորհրդում հանդիսացել է ԵՄ, Ուկրաինայի և Բելառուսի հարցերով տնօրեն: Քրիստինա Քվիենը քաղաքագիտության բակալավրի աստիճան է ստացել Օքսիդենտալ (Occidental) քոլեջից, իսկ ռազմավարական հետազոտությունների մագիստրոսի աստիճանը՝ ԱՄՆ-ի բանակի և պատերազմի քոլեջից (U.S. Army War College), տեղեկացնում է «Ամերիկայի ձայն»-ը: |
«Փաշինյանի իշխանության գալուն մեծապես աջակցել են նաև հայաստանյան ԶԼՄ-ները»․ Ն․ Մկրտչյան
7402:06«Ադրբեջանցիներն արդեն իսկ ծաղրել են Արայիկ Հարությունյանին»․ Ոսկան Սարգսյան
29101:06«Թող մտածեն նրանք, ովքեր շարունակում են մնալ կոմֆորտ զոնայում»․ Ի․ Սաղաթելյան
9200:30«ԵՊՀ իրավաբանական ֆակուլտետում չեն սովորեցնում, որ ինքնաբուխ հավաքն օրեր առաջ չի կազմակերպվում»․ Ս․ Սաֆարյան
8600:06««Քրեական գործով վարույթի կասեցում» էլ չի լինելու»․ Ռուբեն Մելիքյան
95Երեկ, 21:54«Պետք է ընդունել այս տարրական իրողությունը»․ Արման Աբովյան
86Երեկ, 21:24«Նման ելույթները լսելուց ադրբեջանցիները կհասկանան, որ իրենք ճիշտ ճանապարհի վրա են»․ Կիվիրյան (տեսանյութ)
301Երեկ, 20:56«Մենք այսօր Լիբիա ու Սիրիա դառնալու ճանապարհին ենք»․ Վարուժան Գեղամյան
106Երեկ, 20:30