Երկուշաբթի, 15 սեպտեմբերի, 2025 թ.
|
Ստեփանակերտում`   +14 °C

ԱՄՆ-ն ճնշում է գործադրել Թուրքիայի վրա. Շվեդիան և Ֆինլանդիան միանում են ՆԱՏՕ-ին

ԱՄՆ-ն ճնշում է գործադրել Թուրքիայի վրա. Շվեդիան և Ֆինլանդիան միանում են ՆԱՏՕ-ին
1149
Երեքշաբթի, 28 հունիսի, 2022 թ., 23:00

Ֆինլանդիայի նախագահ Սաուլի Նիինիստեի գրասենյակը հայտնել է, որ Թուրքիան այս շաբաթ Մադրիդում ընթացող գագաթնաժողովի ժամանակ որոշել է աջակցել Ֆինլանդիայի և Շվեդիայի անդամակցությանը ՆԱՏՕ-ին: Reuters-ի փոխանցմամբ՝ Մադրիդում կայացած բանակցություններից հետո կողմերը համատեղ հայտարարություն են ստորագրել։

Ստորագրման արարողությունը տեղի է ունեցել Թուրքիայի նախագահ Էրդողանի մասնակցությամբ բանակցություններից անմիջապես հետո։ Թուրքական կողմից փաստաթուղթը ստորագրել է արտգործնախարար Մևլութ Չավուշօղլուն։

Ֆինլանդիայի ղեկավարը հայտնել է, որ ուրախ է ավարտել «թուրքական» փուլը դաշինքին անդամակցելու ճանապարհին։

Ավելի վաղ Թուրքիան վետո էր դրել Շվեդիայի և Ֆինլանդիայի՝ ՆԱՏՕ մտնելու վրա։ Անկարան այս երկրներին մեղադրել է քուրդ ահաբեկիչներին աջակցելու համար։