«Թուրքական կողմի հայտարարությունների և գործողությունների մեջ, ցավոք, կա բաժանում»․ Աղաջանյան

Այսօր՝ ասուլիսի ժամանակ, ՀՀ ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանը ի պխատասխան լրագրողի դիտարկմանը, որ Անկարան հայ-թուքական գործընթացը կապել է հայ-ադրբեջանականի հետ՝ պահանջելով «Զանգեզուրի միջանցքի» բացում և Բաքվի հետ խաղաղության պայմանագրի կնքում, այդկերպ նախապայմաններ առաջ քաշելով, ասաց․ «Ես կարծում եմ ձեր նշած հայտարարությունը, այնուամենայնիվ, նախապայման չէր։ Թուրքիան ըստ էության դիրքորոշմամբ է հանդես եկել, որը բնականաբար մեզ համար ընդունելի չի եղել և հայկական կողմը մշտապես արձանագրել է, որ կա նման խնդիր, որ թուրքական կողմի հայտարարությունների և գործողությունների մեջ, ցավոք, կա բաժանում և, իհարկե, մեր խնդիրներից է նաև ամեն ինչ անել, որ այդ տարանջատումը չկլինի կամ առնվազն լինի նվազագույն չափով»։

Աղաջանյանը շեշտեց, որ հայկական կողմի դիրքորոշումը չի փոխվել և որևէ նախապայման անընդունելի է։