«Որոշակի զարմանք կար, ամբողջությամբ չէին տիրապետում ներքաղաքական իրավիճակին»․ Աննա Գրիգորյան

Ինչպես արդեն հայտնել ենք, Եվրոպական խորհրդարանի արտաքին հարցերով կոմիտեի նախագահ Դեյվիդ Մքալիսթերի գլխավորած պատվիրակությունը Հայաստանում է։ ԱԺ ընդդիմությունն այսօր հանդիպել է ԵԽ պատվիրակության հետ, որի ժամանակ «Հայաստան» խմբակցության պատգամավոր Աննա Գրիգորյանի խոսքով ընդդիմադիրներն անդրադարձել են երկրի առաջ ծառացած խնդիրներին։

«Եմ դեսպանի ներկայությամբ խոսել եմ քաղաքական բռնաճնշումների մասին՝ վկայակոչելով նաև Արմեն Գրիգորյանի մահը դատարանում և այն որակել քաղաքական դրդապատճառներով սպանություն»,- նշեց պատգամավորը։ «Եթե նույնիսկ տիկին դեսպանը խորշում է այս իշխանությունների դեմ որևէ ինֆորմացիա տեղափոխել եվրոպական տարբեր կառույցներ, ապա սա նաև հարմար առիթ էր, որ այս հարցերը բարձրաձայնեինք»,- նկատեց Գրիգորյանը։

«Որոշակի զարմանք կար, որովհետև նրանք ամբողջությամբ չէին տիրապետում ներքաղաքական այդ իրավիճակին»,- հավելեց նա։