«Նարիշկինը մտադիր է համատեղ պաշտպանել ՌԴ և Ադրբեջանի շահերը երրորդ երկրներում». Նարինե Դիլբարյան

Հայոց լեզվի պատմության ամբիոնի դոցենտ Նարինե Դիլբարյանի գրառումը․ «Ադրբեջանի ծրագրային քայլերն ու գործողությունները, հատկապես Եվրոպային էներգակիրներով, ի շրջանցումն պատժամիջոցների ենթարկվող Ռուսաստանի, ապահովելու պաշտոնական նոր համաձայնություններն ինչպե՞ս են համատեղվում Մոսկվայում 2022թ. փետրվարի 22-ին Պուտինի և Ալիևի միջև կնքված դաշնակցային փոխգործակցության հռչակագրի հետ, բնականաբար ուղղակի հակասում են, ռուսական շրջանակներն արդեն դա մատնանշում են, գրում: Սույն համատեքստում հետաքրքիր է՝ ՌԴ արտաքին հետախուզական ծառայության տնօրեն Նարիշկինի՝ հուլիսի 19-ին Ալիևի հետ հանդիպումից հետո, Ադրբեջանի հետախուզական ծառայության հետ կնքված համաձայնագիրը, որքանո՞վ է համապատասխանում ՌԴ ներկա շահերին: Գլխավոր հետախույզը որոշել էր համատեղ պաշտպանել երկու պետությունների ազգային շահերը, պայքարել միջազգային ահաբեկչության, արմատական ծայրահեղականության դեմ, երևի մոռացել էր, որ 2020թ. հոկտեմբերին ինքն էր բացահայտել Ադրբեջանում միջազգային ահաբեկիչների գործուն ներկայությունը և մասնակցությունն Արցախի և Հայաստանի դեմ մղվող զավթողական պատերազմում, զուգահեռաբար Նարիշկինը մտադիր է համատեղ պաշտպանել ՌԴ և Ադրբեջանի քաղաքացիների ու կառույցների շահերը երրորդ երկրներում: Խիստ արտառոց ծրագիր-համաձայնագիր՝ արժե ուսումնասիրել հետախույզների գործունեությունն այս բազմաբարդ և փոթորկվող աշխարհակարգում: Հատկապես եթե քո պետությունը գտնվում է այս երկուսի արանքում»: