«Կազմակերպչական առումով խնդիրներ կային․ տեսնենք՝ սեպտեմբերին ինչ կլինի»․ Մարտուն Գրիգորյանը՝ ընդդիմության գործողությունների մասին

«Պատիվ ունեմ» խմբակցության պատգամավոր Մարտուն Գրիգորյանը նշել է, որ մասնակցել է ընդդիմության՝ վարչապետ Նիկոլ Փաշինյանի հրաժարականի պահանջով իրականացրած ակցիաներին։

«Ես մասնակցել եմ առաջին օրվանից, երբ որ պարոն Վանեցյանն առաջին քայլն արեց»,- նշել է նա։

«Հիմա էլ մասնակցում եմ, որ ասեմ շատ լավ, իհարկե ոչ, խնդիրները բոլորս էլ տեսնում էինք»,- ընդդիմության գործողությունները գնահատելով՝ ասել է Գրիգորյանը։

«Կազմակերպչական առումով էլ, մնացած առումներով էլ խնդիրներ կային, էս պահին չեմ ուզում դրա մեջ խորանանք, քանի որ բազմիցս խոսվել է։ Սպասենք սեպտեմբերին։ Հիմա արձակուրդի շրջան է, էս պահի դրությաբ ոնց որ թե էդպես շատ լուրջ գործընթացներ չեն գնում, տեսնենք՝ սեպտեմբերին ինչ կլինի»,- նշել է պատգամավորը։