«Պարզ է չէ՞, որ նման բան գրվել է հատուկ հանձնարարությամբ». Վահան Հովհաննիսյան

Փաստաբան Վահան Հովհաննիսյանը ֆեյսբուքյան իր էջում գրում է. «Սպասեցի մինչև արսեն թորոսյանի շուրջ աղմուկը մարի նոր գրեմ:

Օրեր առաջ մի հրապարակում էի կատարել՝ պետության կողմից հասարակության մոլորեցման գիտական հնարքների, տեխնոլոգիաների մասին:

թորոսյանի արտաբերածն այդ տեխնոլոգիաների կիրառման դասական, դասագրքային օրինակ է: Չեք կարծում չէ՞, որ թորոսյանը մի առավոտ վեր կացավ, մտածեց-մտածեց ու հանկարծ որոշեց նման բան գրել: Պարզ է չէ՞, որ նման բան գրվել է հատուկ հանձնարարությամբ և հատկապես այն օրը, երբ անհրաժեշտ էր հասարակության ուշադրությունը շեղել ինչ-որ կարևոր գործընթացներից: Ես քաղաքագետ չեմ, բայց լրահոսի մակերեսային ուսումնասիրումը ենթադրում է, որ այդպիսի իրադարձություն է վերջին օրերի սահմանային լարվածությունն ու Արցախից զորքերի դուրսբերումը, (չի բացառվում, որ այլ՝ առավել խորը պրոցես կա, որը տեսանելի չէ):

Էնպես որ, հաջորդ անգամ, երբ դրա նման մեկը նմանօրինակ մի բան երկնի, ոչ թե բարկացած ստատուսներ հնարեք, թե ԻՆՉՊԵՍ կարելի է նման բան գրել, այլ Ձեզ հարց տվեք, թե ԻՆՉՈՒ է այդ աղբը հենց այդ ժամանակ գրել: Այսինքն՝ կարևորը ճիշտ հարցադրումն է: Հենց այդ հարցը տաք ու պատասխանը ստանաք ամեն ինչ իր տեղը կընկնի:

Մի բան ևս հիշեք. ինչքան շատ եք սևեռվում գրածի բովանդակության վրա՝ բարկանում, քննադատում, ստատուսներ գրում, այդքան շատ է թորոսյանի սենսեյը հասնում իր նպատակին»: