«ԱՄՆ-ը չի ներելու Պեկինի դաոսական շուստրիությունը». Աղասի Ենոքյան

Քաղաքագետ Աղասի Ենոքյանի գրառումը․ «Նենսի Փելոսիի Թայվան կատարած այցի իմաստը Չինաստանի մասին կարևոր միֆի փլուզումն էր։ Փելոսին որևէ կարևոր միտք չուներ Թայբեյում փոխանակելու, պարզապես պետք էր ցույց տալ, որ տարբեր տիպի մատնաշարժությունները, աշխարհքաղաքական վերլուծություններն ուղղակի դատարկախոսություն են։

Նենսի Փելոսիի այցը ոչ թե քաղաքական նշանակություն ունի, այլ ավելի կարևր՝ աշխարհքաղաքական։ Նա ապացուցեց, որ առանց ամերիկյան համաձայնության տարբեր ալյանսներն ու մտավարժանքները պարզապես ֆուֆլո են։ Իհարկե, Չինաստանը պետք է ԱՄՆ-ին որպես էժան աշխատուժով արտադրավայր, և դրա համար Վաշինգթոնը փորձում է խոսքերով նրա հետ կոպիտ չլինել։ Բայց ԱՄՆ-ն չի ներելու Պեկինի դաոսական շուստրիությունը՝ տակից Ռուսաստանին սատարելու քաղաքականությունը։

Իհարկե, Չինաստանը կշարունակի ցուցադրել տարբեր հրթիռներ ու զորավարժություններ, բայց կայացած փաստն այն է, որ ԱՄՆ երրորդ պետական այրն (տվյալ դեպքում՝ կինը) այդ ամենը խորագույնս արհամարհեց՝ ցույց տալու, թե ինչպես է աշխատում քաղաքական ռեալիզմը»։