Հինգշաբթի, 11 օգոստոսի, 2022 թ.
|
Ստեփանակերտում`   +28 °C

«Հասկանում ես, թե ինչու սրանք եկան իշխանության, ովքեր են տերերը». Սահակյանց

«Հասկանում ես, թե ինչու սրանք եկան իշխանության, ովքեր են տերերը». Սահակյանց
143
Հինգշաբթի, 04 օգոստոսի, 2022 թ., 19:06

«Փաստացի՝ Արսեն Թորոսյանը հնչեցնում է ամբողջ ՔՊ-ի եւ Նիկոլի մանիֆեստը: Դու կարող ես կառավարության նիստում հայտարարություններ անել, ցույց տալ, իբր մտահոգ ես, Արցախի հարց կա-չկա, բայց կան մարդիկ, որ քո թիմում են, որոնք հայտարարում են այն դիրքորոշման մասին, որի համար դու այսօր եկել ես իշխանության», – «Հայելի» ակումբում ասաց մուլտիպլիկատոր Դավիթ Սահակյանցը:

«Ի դեպ, 100 տարի առաջ այս օրը Յակով Մելքումովի կողմից սպանվեց Էնվեր Փաշան, փաստորեն Թորոսյանի աչքում Մելքումովը սխալ էր, դավաճան էր, Նժդեհը սխալ էր, բոլորը սխալ էին, ում խաթեր սրանք հնարավորություն ունեն ապրել այս երկրում, բարբաջել, խոսել, գալ իշխանության: Բոլոր այն մարդիկ, որոնք այդ ճանապարհը բացում էին ազգի առաջ, պարզվում է՝ սխալ են սրանց կարծիքով: Ամենասխալ բանը, սակայն, որ տեղի է ունեցել այս 30-40 տարվա ընթացքում այն է, որ սրանց ծնողները թույլ տվեցին, որ սրանք աշխարհ գան…

Այն ամենում, ինչ հայտարարեց Թորոսյանը, նույնիսկ հանցագործության մասին հաղորդում կա: Կարդալով կամ լսելով դրանց, դու հասկանում ես, թե ինչու սրանք եկան իշխանության, ովքեր են տերերը, ինչու եղավ պատերազմը եւ այլն»,- հավելեց Սահակյանցը: