«ՔՊ-ական պատգամավորները պետք է արտահայտեն հրապարակային դիրքորոշում». Է. Ղազարյան

«Էդ հանդիպման նպատակը պետք է լինի առաջին հերթին այն, որ նրանցից անհատապես լսենք իրենց դիրքորոշումը՝ Նիկոլ Փաշինյանի պաշտոնավարման, կամ նրան անվստահություն հայտնելու վերաբերյալ»,- պատասխանելով լրագրողի հարցին, թե ինչ նպատակով են ուզում հանդիպել ՔՊ-ական պատգամավորներին և ինչ է փոխվելու դրա արդյունքում, ասաց «Անկախություն» շարժման առաջնորդ Էդգար Ղազարյանը:

Նա նշեց, որ Ազգային ժողովի 107 պատգամավորները ստեղծված այս իրավիճակում պետք է արտահայտեն հրապարակային դիրքորոշում. «Իրենց գոհացնո՞ւմ է այս իրավիճակը, թե՞ իրենք այս ամենի պատասխանատուին նպատակահարմար են գտնում հեռացնել իշխանությունից»,- ասաց Ղազարյանը: