«Կորուստների զգալի մասը տեղի են ունեցել այն խրամատներում, որոնք լիարժեք կահավորված չեն եղել». Սեյրան Օհանյան

Խորհրդարանական ճեպազրույցի ընթացքում Ազգային ժողովի «Հայաստան» խմբակցության պատգամավոր Սեյրան Օհանյանը անդրադարձավ ռազմաքաղաքական ղեկավարության՝ պատերազմին պատրաստ լինելու խնդրին. «Փորձը ցույց է տալիս և նաև ցույց են տալիս այն տեսանյութերը, որոնք համացանցում կան, որ կորուստների զգալի մասը տեղի են ունեցել այն խրամատներում, որոնք լիարժեք կահավորված չեն եղել, և հիմա մենք կարող ենք ուղիղ հարց տալ ՀՀ իշխանություններին՝ ինչո՞ւ տարբեր գինու փառատոնների համար գումարներ են ծախսվում, ինչո՞ւ ՀՀ ներսում տարբեր միջոցառումներ են իրականացվում, բայց խրամատները հակառակորդի հրետակոծությունից ու ԱԹՍ-ներից պաշտպանվելու համար կահավորված չեն եղել: Յուրաքանչյուչ պատերազմական փուլից հետո, յուրաքանչյուր զինվորական կառույց, մանավանդ պետական ղեկավարման ամբողջ ապարատը, վերականգնողական կամ հետագայում նաև զարգացման խնդիրներ են իրականացնում՝ հաշվի առնելով նախորդ պատերազմի արդյունքները՝ և՛ դրական կողմերը, և՛ թերությունները: Այս հարցերը և՛ հանրությունը, և՛ մենք տալիս ենք այսօրվա իշխանություններին:

Ցավալին այն է, որ մեկ տարի շարունակ մենք ԱԺ-ում ահազանգում էինք, որ ՀՀ գերակա խնդիրը անվտանգությունն է, պաշտպանությունը, և մեկ տարի է՝ այսօրվա իշխանությունները մերժում են մեր բոլոր նախաձեռնությունները»: