«ՀՀ իշխանությունները պարտավոր են շատ արագ կրճատել անվտանգության այս խայտառակ բացը». Ստյոպա Սաֆարյան

Քաղաքագետ Ստյոպա Սաֆարյանի գրառումը․ «Միայն այժմ է Հայաստանը հասկացել այն, ինչն Ադրբեջանը հասկացել է 2014թ. ամառային էսկալացիայի, 2016թ. քառօրյա պատերազմի, 2020-ի տավուշյան էսկալացիայի «ռազվեդկայով». այն է՝ ՀԱՊԿ չկա։ Սա ռեգիոնալ անվտանգության խայտառակ բաց է, ու մեղավոր ենք մենք, որ Ալիևից ավելի վաղ չենք հասկացել ու գործուն քայլեր ձեռնարկել՝ մինչև աղետը չթափվեր մեր գլխին։ Դեռ 2017-ի ընտրությունների ժամանակ էի ահազանգում, որ շտկվի ռեգիոնալ անվտանգության հարցը՝ վերջնական թեսթեր դնելով ՀԱՊԿ-ի վրա։ Ազատ դեմոկրատների նախընտրական ծրագրի այդ հատվածը, որում ես մեծ ներդրում ունեմ, կարող եք կարդալ։ Եվ այժմ վտանգավոր է, որ թշնամին մեր շուրթերից էլ լսում է, որ աջակցություն չի լինելու... Հայաստանի իշխանությունները պարտավոր են շատ արագ կրճատել անվտանգության այս խայտառակ բացը»։