Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

««Ստեփանակերտի և Բաքվի միջև քննարկումների մեխանիզմ» ստեղծելու խոսակցությունները ոչ այլ ինչ են, քան հերթական պոպուլիզմ». Հռիփսիմե Ստամբուլյան

««Ստեփանակերտի և Բաքվի միջև քննարկումների մեխանիզմ» ստեղծելու խոսակցությունները ոչ այլ ինչ են, քան հերթական պոպուլիզմ». Հռիփսիմե Ստամբուլյան
177
Հինգշաբթի, 06 հոկտեմբերի, 2022 թ., 17:42

ԱԺ «Հայաստան» խմբակցության պատգամավոր Հռիփսիմե Ստամբուլյանը ֆեյսբուքյան իր էջում գրել է. «Մի կողմ թողնելով երեկ ԱԺ ամբիոնից վարչապետի պաշտոնն զբաղեցնողի կողմից հնչեցրած բոլոր կեղծիքներն ու մանիպուլյացիաները՝ պետք է անենք մի կարևոր արձանագրում՝ նա ի լուր աշխարհի և մեր ժողովրդի հայտարարեց, որ պատրաստ է ճանաչել Արցախն Ադրբեջանի մաս ու կարգավորել հարաբերություններն Ադրբեջանի հետ՝ 1991-ի հիմքով՝ միմյանց տարածքային ամբողջականության ճանաչման ճանապարհով:

Այս պարագայում «Ստեփանակերտի և Բաքվի միջև քննարկումների մեխանիզմ» ստեղծելու մասին խոսակցությունները ոչ այլ ինչ են, քան հերթական պոպուլիզմն ու ձևականությունը: Ադրբեջանն Արցախի հետ բանակցությունների նստելու և որպես հավասար սուբյեկտ վերջինիս հետ հարաբերվելու որևէ ցանկություն ու պատրաստակամություն չունի: Դրա վկայությունն ընդամենը երեկ Ալիևի արած հայտարարություններն էին:

Ժողովրդի լռությունը, անտարբերությունը, կտրուկ արձագանքների բացակայությունն այս իշխանությունը ներկայացնելու է որպես համաձայնություն՝ հայտարարված քաղաքականությանն ու ուրվագծված ճանապարհին:

Կրկին ու կրկին պետք է խփենք զանգերը: Սա արդեն մեր երկրի, մեր հայրենիքի գոյության, այսօրվա ու վաղվա խնդիրն է, որպես ազգ ու պետություն մեր լինել-չլինելու խնդիրը»:

Աղբյուրը`   Հռիփսիմե Ստամբուլյան