«Ձեր ամբիցիաների պատճառով այդքան տղաներ կոտորվեցին. չսգա՞նք, ինչի՞ վրա ուրախանանք». զոհվածի մայր

44-օրյա պատերազմում զոհված ժամկետային զինծառայող Հայկ Մկրտչյանի մայրը՝ Աննա Մկրտչյանը, 168.am -ին տված հարցազրույցի ընթացքում անդրադարձել է Նիկոլ Փաշինյանի տիկին Աննա Հակոբյանի՝ «Հայ կանանց մեռելային լռությունը» վերնագրով հոդվածին․ «Դրա նպատակն էր նախ՝ մեղքը բարդել ուրիշի վրա, երկրորդ՝ հանրության ուշադրությունը շեղել կարևոր իրադարձություններից»։

Արձագանքելով Աննա Հակոբյանի՝ հոդվածում գրված այն մտքին, որ՝ «Չեմ ուզում հավատալ, որ առավելագույնը, ինչին ընդունակ է հայ կինը, աղոթելը կամ անիծելը, և կամ՝ իր հերոսների հետևից հետմահու լացելն է», զոհվածի մայրը ասել է․ «Այսինքն՝ ի՞նչ անենք, չլացե՞նք, ուրախանա՞նք, որ իրենց քաղաքական ամբիցիաների պատճառով իրենք տարան այդքան տղաների կոտորեցին: Ախր, դա բնաջնջում էր: Այսինքն՝ չսգա՞նք, ուրախանանք ինչի՞ համար, ինչի՞ վրա ուրախանանք»: