«Հայ-ամերիկյան օրակարգ չկա, կա տարածաշրջանում ամերիկյան օրակարգ». Սուրեն Սարգսյան

«Տարածաշրջանային զարգացումներ. Արցախ-Հայաստան» թեմայով քննարկմանը միջազգայնագետ Սուրեն Սարգսյանը խոսել է ԱՄՆ-ի ծրագրերի մասին. «ԱՄՆ-ի նպատակն է տարածաշրջանից Ռուսաստանին դուրս մղելը կամ գոնե բալանսավորելը: Կարծիք կա, որ դրա լավագույն լուծումը հայ-թուրքական հարաբերությունների կարգավորումն ու ԼՂ խնդրի լուծումն է, որն այնպիսի իրավիճակ է ստեղծելու, որ ռուսական ռազմական ներկայությունը ՀՀ-ում և տարածաշրջանում չլինի: Հիմա ԱՄՆ-ն ակտիվացել է, որովհետև կա հնարավորություն այդ հարցերը կարգավորելու համար: Բայց այս անգամ կա մի էական տարբերություն. պատմության մեջ առաջին անգամ է, որ ՀՀ-ն գնում է թուրքական նախապայմանները բավարարած: Ցեղասպանության միջազգային ճանաչումը և ԼՂ խնդիրը մեր արտաքին քաղաքականության օրակարգից հանված են: Հայ-ամերիկյան օրակարգ չկա, կա տարածաշրջանում ամերիկյան օրակարգ»։