«Քթները մտցրել են իմ ընտանիք․ ինձանից թալանչու կերպար ստեղծելը չի ստացվելու»․ Իշխան Սաղաթելյան

ԱԺ «Հայաստան» խմբակցության պատգամավոր Իշխան Սաղաթելյանը ճեպազրույցի ընթացքում լրագրողի հարցին՝ բժշկական համալսարանում տարիներ առաջ տեղի ունեցած դեպքի առիթով դատախազությունը հայտարարություն է տարածել, դա կապ ունի՞ ձեր ընտանիքի հետ, այստեղ քաղաքական ենթատեքստ տեսնո՞ւմ եք, արձագանքել է․ «Վերջին չորս տարիերի ընթացքում, իսկ վերջին երկու տարվա ընթացքում շատ ավելի մեծ ծավալով ՀՀ ողջ իրավական համակարգն իմ ընտանիքի, հարազատների նկատմամբ արել է ինչ կարողացել է։ Իմ հարազատների շրջապատում քիչ կան մարդիկ, որոնք հարցաքննված չեն։ Երկու ամիս առաջ խուզարկություն են արել, քթները մտցրել են իմ ընտանիք, ձեզ վստահեցնում եմ՝ իրենց բոլոր փորձերը՝ ինձանից ստեղծել թալանչու կերպար, չի ստացվելու, որովհետև դա անհնար է, այդ գործը շինծու է»։