Երեքշաբթի, 07 փետրվարի, 2023 թ.
|
Ստեփանակերտում`   +3 °C

«ՔՊ-ն ջնջել է Արցախի Հանրապետություն բառակապակցությունը, փոխարենն ավելացրել՝ Ղարաբաղի հայություն». Սաղաթելյան

«ՔՊ-ն ջնջել է Արցախի Հանրապետություն բառակապակցությունը, փոխարենն ավելացրել՝ Ղարաբաղի հայություն». Սաղաթելյան
130
Ուրբաթ, 02 դեկտեմբերի, 2022 թ., 13:30

«Ինչպես գիտեք, օրեր առաջ Ադրբեջանի խորհրդարանն ընդունել է մի հայտարարություն, որով աղավաղել է Ղարաբաղյան հակամարտության ողջ էությունը և բովանդակությունը ու հակահայ բազմաթիվ ձևակերպումներով է հանդես եկել: Ընդդիմությունը նախաձեռնել է, որպեսզի ՀՀ ԱԺ-ն հանդես գա հայտարարությամբ՝ դատապարտելով Ադրբեջանի խորհրդարանի հայտարարությունը, ինչպես նաև մի շարք հարցերի հետ կապված տա հիմնական գնահատականներ»,- այս մասին լրագրողների հետ զրույցում ասել է ԱԺ «Հայաստան» խմբակցության պատգամավոր Իշխան Սաղաթելյանը՝ հավելելով, որ տեքստը ներկայացվել է ՔՊ-ին. վերջինները ներկայացրել են իրենց առաջարկությունները. «Էդ առաջարկների մեջ ջնջել են Արցախի Հանրապետություն բառակապակցությունը, դրա փոխարեն ավելացրել են Ղարաբաղի հայություն: Որտեղ կա ինքնորոշման իրավունքի իրացում՝ ջնջել են, ինչպես նաև՝ Հայաստանի հանձնառության մասը: Այսինքն՝ հայտարարության բուն տեքստն ամբողջությամբ աղավաղել են»,- ասել է Սաղաթելյանը: