«Կանանց զինծառայությունը կամավորության հիմունքներով է իրականացվելու»․ Արման Սարգսյան

Այսօր ԱԺ-ում լրագրողների հետ զրույցում ՀՀ պաշտպանության փոխնախարար Արման Սարգսյանը անդրադարձել է կանանց զինվորական ծառայության մեջ ներգրավելու հարցին․ «Դրա պատճառներից մեկը հանդիսացել է կանանց ակտիվության ցուցաբերումը մարտական հրաձգության դասընթացներին. մեծ գոհունակությամբ և մեծ պատասխանատվությամբ իրենք մոտեցել են այդ հարցին, դրական արդյունքներ են ցուցաբերել։ Խնդիր է դրված կանանց՝ ՊՆ-ում և՛ ծառայելու, և՛ Զինված ուժերում իրենց դրական լուման ներդնելու հարցում։ Այս հարցը ներկայում քննարկման փուլում է՝ օրենքի նախագծի մշակման տրամաբանությամբ: Այն կամավորության հիմունքներով է իրականացվելու»,- հայտնել է փոխնախարարը։