Շաբաթ, 28 հունվարի, 2023 թ.
|
Ստեփանակերտում`   0 °C

«Այս կեղծ թեզերով ո՞ւմ շահերն են սպասարկում Բագրատյանն ու Քոչարյանը». Տարոն Չախոյան

«Այս կեղծ թեզերով ո՞ւմ շահերն են սպասարկում Բագրատյանն ու Քոչարյանը». Տարոն Չախոյան
124
Չորեքշաբթի, 25 հունվարի, 2023 թ., 14:42

ՀՀ վարչապետի աշխատակազմի ղեկավարի տեղակալ Տարոն Չախոյանը գրում է. «Հրանտ Բագրատյանը խրոխտ հայտարարում է, թե նոյեմբերի 9-ի փաստաթղթով Սյունիքը տվել ենք Ադրբեջանին, իսկ 5-րդ ալիքը լուսաբանում է Բագրատյանի հակապետական մտքի գոհարները։
Այս կեղծ թեզերով ո՞ւմ շահերն են սպասարկում Բագրատյանը, 5-րդ ալիքն ու նրա սեփականատերը՝ Հայաստանի Հանրապետությա՞ն, թե՞ Ալիևի։
Ի դեպ, սա առաջին դեպքը չէ, երբ Հայաստանի ընդդիմադիրները հայտարարում են Սյունիքը կամ Սյունիքով Ադրբեջանին միջանցք տալու իրենց պատրաստակամության մասին, միայն թե հասնեն բաղձալի նպատակին՝ իշխանափոխության։
«Օգնեք գանք իշխանության, միջանցք էլ կտանք, Սյունիքն էլ կտանք, կասենք Փաշինյանն էր խոստացել»։ Սա է ընդդիմադիրների՝ տարածաշրջանային խոշոր խաղացողներին տված ազդակը։
Հ Գ․ Բագրատյանն ու Քոչարյանը սրանից լավ նվեր դժվար թե անեին Ալիևին»։

Աղբյուրը`   Տարոն Չախոյան