Առաջարկվում է կանոնակարգել շրջիկ երաժիշտների գործունեությունը. կսահմանվեն տույժեր
263 Ուրբաթ, 27 հունվարի, 2023 թ., 16:06 Փողոցներում ստեղծագործական ելույթների կանոնակարգման լիազորությունները կվերապահվեն համայնքի ավագանուն, որը կսահմանի բացօթյա վայրերում՝ փողոցներում, մայթերին, հրապարակներում, այգիներում, պուրակներում և այլ տեղերում, մշակութային գործունեության իրականացման կարգը: Խոսքը վերաբերում է շրջիկ երաժիշտներին, նկարողներին, երգող-պարողներին և նմանատիպ գործունեություն իրականացնողներին: Այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի հանձնաժողովում քննարկման ներկայացնելով «Երևան քաղաքում տեղական ինքնակառավարման մասին» օրենքում լրացում կատարելու նախագծերի փաթեթը: Առաջարկվում է, որ Երևանում և համայնքներում այսուհետև այդպիսի գործունեության իրականացման պայմաններն ու պահանջները սահմանեն համայնքների ավագանիները: Այսինքն՝ կախված համայնքի կամ բնակավայրի առանձնահատկություններից՝ սահմանվեն կանոններ և վարչական իրավախախտումների համար նախատեսված տույժեր: Առաջարկվում է սահմանել տույժ՝ նվազագույն աշխատավարձի 100-ապատիկի, իսկ կրկնվելու դեպքում՝ 200-ապատիկի չափով: Նախատեսվում է նաև անձնական սեփականության գործիքների բռնագանձում: Ըստ փոխնախարարի՝ այս խնդիրը միշտ եղել է, սակայն վերջերս, կապված տուրիստական ակտիվ հոսքի հետ, գործունեություն են ծավալում մարդիկ, որոնց աշխատանքը չի կանոնակարգվում: Այդպիսի վայրերից են Հյուսիսային պողոտան, Հանրապետության հրապարակը, Գառնու տաճարի հարակից հատվածը, Գեղարդի տաճարի մուտքը, Գյումրիի հրապարակի հարակից տարածքները և այլն: «Մինչև ուշ գիշեր ականատես ենք լինում անհասկանալի տպավորություն ձևավորող բաների, էլ չասած՝ տեսքի ու ճաշակի»,- ասել է Վաչե Տերտերյանը: Այս մասին տեղեկանում ենք ԱԺ կայքից: |
«Տավուշցին պայքարում է ՀՀ տարածքային ամբողջականության համար»․ Թագուհի Թովմասյան (տեսանյութ)
3515:48«Սակրավորներ կան՝ հրաժարվում են ականազերծման աշխատանքներ իրականացնել»․ Գառնիկ Դանիելյան (տեսանյութ)
5415:24«Պատերազմ բերածն էլ եք դուք, զոհերի պատճառն էլ եք դուք»․ Բագրատ Սրբազանը՝ իշխանություններին (տեսանյութ)
6515:06«Կրեատիվ բողոքի ակցիա՝ Մանումենտի կամրջի տակ»․ Ռ․ Մելիքյան (տեսանյութ)
9114:18Գյումրի-Վանաձոր ճանապարհը փակ է (տեսանյութ)
7514:06Իրավիճակը Կիրանցում՝ ուղիղ միացմամբ (տեսանյութ)
7513:48Փարիզում գողացել են Rafale կործանիչներ արտադրող ընկերության գաղտնի տվյալներով պայուսակը
14213:24Բժիշկներն ասել են՝ 2–3 օրից հետո օրգանիզմը չի դիմանա
9313:18