Մոսկվան ԱՄՆ դեսպանին բողոքի նոտա է փոխանցել ու զգուշացրել

ՌԴ ԱԳՆ-ն բողոքի նոտա է հանձնել ԱՄՆ դեսպանատանը։ Արտաքին գործերի նախարարությունը պահանջել է դադարեցնել Ռուսաստանի ներքին գործերին միջամտությունը և «կատաղի հակառուսական քարոզչությունը», հայտնում են ռուսական լրատվամիջոցները։

Հաղորդագրության համաձայն, Մոսկվայում ԱՄՆ նոր դեսպան Լին Թրեյսիին «կոշտ ուղերձ է տրվել ռուսական օրենքներին խստորեն հետևելու և Ռուսաստանի իշխանությունների ու Վիեննայի դիվանագիտական ​​հարաբերությունների մասին կոնվենցիայի պահանջներին հակասող գործունեությունը դադարեցնելու անհրաժեշտության մասին»։

ՌԴ ԱԳՆ-ն ընդգծել է, որ չնայած բազմիցս զգուշացումներին, «ամերիկյան դիվանագիտական ​​առաքելությունը շարունակում է չարամիտ գործունեությունը տեղեկատվական տարածքում՝ իրեն թույլ տալով անպատշաճ հայտարարություններ ընդունող երկրի ղեկավարության մասին, ինչպես նաև կեղծիքներ տարածելով ՌԴ Զինված ուժերի մասին, ինչը հանցավոր և պատժելի արարք է»։

«Ռուսական կողմը մտադիր չէ համակերպվել ԱՄՆ դեսպանատան տեղեկատվական ռեսուրսների կողմից կրկնվող հակառուսական կատաղի քարոզչությանը և մտադիր է օգտագործել բոլոր առկա միջոցները այն չեզոքացնելու համար»,- ասվում է ՌԴ ԱԳՆ-ում։