Արարատ Միրզոյանի մահափորձի դեպքով մեղադրյալներից մեկն անցնում է քրեական հեղինակությունների գործով

Արարատ Միրզոյանի՝ 2020-ի նոյեմբերի 10-ի մահափորձի դեպքով մեղադրյալներից մեկը՝ Գևորգ Իսրայելյանը, անցնում է նաև քրեական ենթամշակույթ կրող խմբավորում ստեղծելու և ղեկավարելու գործով. վերջինի նկատմամբ խափանման միջոց էր ընտրվել ստորագրությունը՝ չհեռանալու մասին, սակայն նա շարունակել է իր գործունեությունը՝ Արմավիրում ստեղծելով հանցավոր ենթամշակույթ կրող խմբավորում: Այս մասին հայտնել է Մարդկանց թրաֆիքինգի և թմրամիջոցների ապօրինի շրջանառության հանցագործությունների քննության վարչության պետ Հովհաննես Համբարյանը: