Երկուշաբթի, 23 փետրվարի, 2026 թ.
|
Ստեփանակերտում`   +3 °C

«Մյունխենի համաժողովը ցույց տվեց, որ աշխարհում ուժն է ծնում իրավունքը». Վ. Մարտիրոսյան

«Մյունխենի համաժողովը ցույց տվեց, որ աշխարհում ուժն է ծնում իրավունքը». Վ. Մարտիրոսյան
307
Ուրբաթ, 24 փետրվարի, 2023 թ., 21:36

Zangi-ի հիմնադիր Վահրամ Մարտիրոսյանը ֆեյսբուքյան իր էջում գրել է. «Մյունխենի համաժողովը ցույց տվեց, աշխարհում հարցեր լուծելու հարցում ոչնիչ չի փոխվել, և դեռ ուժն է ծնում իրավունքը։ Բլինքենից սկսած բոլորը մեկ բանում համակարծիք էին՝ մարտի դաշտն է որոշում քաղաքականությունը։
Իսկ մեզ մոտ դեռ տարվում են դատարաններով, դիտորդներով ու Արցախը ճանաճել-չճանաչելու կեղծ օրակարգերով։ 93-ին, երբ մենք գրավեցիքն Հորադիսը, Ադրբեջանը դիմեց միջազգային հանրությանը և նրանք դիտորդներ ուղարկեցին Հորադիս։ Մերոնք
ադրբեջանցի գերիներին հանեցին լցրեցին դաշտերը։ Դիտորդները եկան ու տեսան, թե ինչ խաղաղ են ապրում ադրբեջանցիները։ Մենք պետք է ունենանք մեկ գերնպատակ՝ այդ կարգավիճակի վերականգնումը։
Մեր օրակարգի առաջնային հարցերը պետք է լինեն ռազմատեխնոլոգիական գերակայության ստացումը և ռազմական մեքենա տեսակի բանակի կառուցումը։ Այլ ոչ թե պատրանքներ առաջացնող անիմաստ թղթաբանությամբ զբաղվելը։ Դիվանագիտությունը առանց իր հետևում կանգնած ուժի գործոնի վերածվում է պարզունակ շուստրիության։
1994-ին Ադրբեջանը համաձայնեց մեկ սեղանի շուրջ նստել արցախցիների հետ ոչ թե նրա համար, որ Արցախը երբեք չէր եղել անկախ Ադրբեջանի մաս, և ոչ էլ նրա համար, որ Հռոմի պատերի քարտեզներով Արցախը հայկական է, այլ նրա համար, որ Հայ զինվորը դուրս էր եկել Թարթարի մատույցները»: