Կիրակի, 13 սեպտեմբերի, 2026 թ.
|
Ստեփանակերտում`   +16 °C

Կանադայի պատժամիջոցների ցուցակում են Մեդվեդևի կինն ու որդին, Մատվիենկոն և Պուտինի օգնականը

Կանադայի պատժամիջոցների ցուցակում են Մեդվեդևի կինն ու որդին, Մատվիենկոն և Պուտինի օգնականը
1937
Շաբաթ, 25 փետրվարի, 2023 թ., 12:36

Կանադան նոր պատժամիջոցներ է սահմանում ռուս պաշտոնյաների և գերատեսչությունների դեմ, այս մասին հայտարարել է Կանադայի վարչապետ Ջասթին Թրյուդոն։

«Մենք հայտարարում ենք 129 ֆիզիկական և 63 իրավաբանական անձանց նկատմամբ պատժամիջոցների մասին, այդ թվում՝ Ռուսաստանի փոխվարչապետերի, նախարարների, ՌԴ նախագահի աշխատակազմի պաշտոնյաների, ռուս զինվորականների»,- հայտարարել է նա։

Կանադայի կառավարությունն արդեն հրապարակել է պատժամիջոցների ցուցակը, որում ներառված են նաև ՌԴ նախկին նախագահ Դմիտրի Մեդվեդևի կինը և որդին, Պուտինի օգնական Մաքսիմ Օրեշկինը, ՌԴ Դաշնային խորհրդի նախագահ Վալենտինա Մատվիենկոն և այլք: