«Լուրջ քննարկումներ են ընթանում տարածաշրջանում, որոնցից Հայաստանն իրեն դուրս է դրել». Տաթևիկ Հայրապետյան

ԱԺ նախկին պատգամավոր, ադրբեջանագետ Տաթևիկ Հայրապետյանը թելեգրամյան իր էջում գրում է. «Ալիև շաբաթ օրը ուղևորվեց Թուրքիա։ Կիրակի տեղի ունեցավ Պուտին-Էրդողան հեռախոսազրույցը, սա վերջին 4 օրվա մեջ 2-րդ զրույցն էր։ Վաղը Լավրովը կուղևորվի Բաքու։ Առաջիկայում սպասվում է Իրանի արտգործնախարարի այցը Մոսկվա։ Ակնհայտ է, որ լուրջ քննարկումներ են ընթանում տարածաշրջանում, վստահ եմ՝ կենտրոնական հարցերից մեկը Լաչինի միջանցքն է և Սյունիքով հնարավոր ճանապարհի թեման։ Հայաստանն, ակնհայտորեն, դուրս է դրել իրեն այդ քննարկումներից։ Բայց, երբ դու քննարկման մաս չես, քեզ համար կենսական հարցերը այլոց առևտրի առարկա են դառնում, առավել ևս, երբ քո իշխանությունը որևէ բովանդակային օրակարգեր առաջ չի քաշում»։