«Հրդեհից զոհված զինծառայողներից մեկի ծնողը վտանգավոր բան ասաց». Նաիրա Մելիքյան

«Հայելի» ակումբում ասուլիսի ժամանակ 44-օրյա պատերազմում նահատակված Հայկ Մելիքյանի մայրը՝ Նաիրա Մելիքյանն անդրադառնալով Ազատ գյուղում տեղակայված զորամասի կացարանում տեղի ունեցած հրդեհի դեպքին ու զոհված 15 զինծառայողների ծնողների, մասնավորապես, նրանցից մեկի հայտարարությանը, ասաց. «Մայրերը զայրացած ասում էին, որ պետք է շարունակեն բողոքի ակցիաները, որ իրենց երեխաներին, ըստ երևույթին, մորթել են, հետո վառել են և այլն: Էնտեղ վտանգավոր գիծ տեսա, որովհետև մայրերից մեկը, միգուցե առանց հասկանալու, ասաց՝ ձեր երեխաներին բանակ չուղարկեք: Այսինքն՝ այն, ինչ որ ուզում է Նիկոլն ու իր խունտան, այն է՝ բանակը ոչնչացնել՝ մի մասին սպանելով, մի մասին անհետ կորածի կարգավիճակում թողնելով... Էդ դեպքում ո՞վ է մեզ պաշտպանելու, եթե բանակ չգնան, ի՞նչ ենք անելու: Շատ եմ ուզում հավատալ, որ այդ խոսքն ասաց էմոցիաների, ցավի տակ, և միտումնավոր բան չկա»,- հավելեց Նաիրա Մելիքյանը: