«Պատերազմը շարունակվելու է, քանի դեռ հայ-ադրբեջանական խոսակցության միակ օրակարգն Արցախն է». Տիգրան Ուլիխանյան

ՊՎԾ նախկին պետ, նախկին պատգամավոր Տիգրան Ուլիխանյանը գրում է. «Պատերազմը շարունակվելու է, քանի դեռ հայ-ադրբեջանական խոսակցության ՄԻԱԿ օրակարգը Արցախն է։ Հարևանավարի համակեցության հասնելու համար անհրաժեշտ է ձևակերպել և Ադրբեջանին տեղեկացնել, ներկայացնել այն մարտահրավերները, որոնց դիմագրավելու հարցում Հայաստանը և Ադրբեջանը ունեն համատեղ շահեր, բնական (աշխարհագրությամբ պայմանավորված) դաշնակիցներ են։
Այդպիսի մարտահրավերներ կան։ Օրինակ Թուրքիայի, ԱՄՆ֊ի, Եվրոպայի և Ռուսաստանի անվերահսկելի էքսպանսիան դեպի մեր տարածաշրջան այդպիսի մարտահրավերներ են։ Այս համատեքստում պետք է շեշտեմ, որ ես չեմ հավատում, որ կա Հայաստանը ոչնչացնելուն ուղղված թուրք֊ադրբեջանական տանդեմ։ Ես նույնիսկ չեմ հավատում, որ Ադրբեջանը կցանկանա Թուրքիայի հետ համատեղ սահման ունենալ։ Այսպես կոչված «Մեծ Թուրանի կոկորդին խրված սեպի» իրական շահառուներից է նաև Ադրբեջանը. առաջին հերթին Ադրբեջանը, քանի որ թուրքական էքսպանսիայի հաջորդ թիրախը ինքն է։
✅️Այս պահին տպավորություն ունեմ, որ նման մի մարտահրավերի դեմ դիմակայում է և՛ Հայաստանը և՛ Ադրբեջանը։ Եթե դիմակայությունը համատեղ է, հաջողության հնարավորությունը ավելի մեծ է»: