«Մենք պատանդ ենք, ու Ադրբեջանը պատանդի հետ վարվում է այնպես, ինչպես կամենում է». ԱՀ պետնախարար

ԱՀ պետնախարար Գուրգեն Ներսիսյանն Առաջին ալիքի հետ հարցազրույցի ժամանակ անդրադարձել է երեկ՝ մարտի 5-ին, Արցախում տեղի ունեցած ադրբեջանական դիվերսիային։

«Մենք հիմա գերության մեջ ենք, պատանդ ենք ադրբեջանցիների ձեռքում, Բաքվի նպատակն է՝ փորձել գերու և պատանդի հետ վարվել այնպես, ինչպես կամենում է և ստանալ Արցախի ժողովրդից, ինչ հնարավոր է։
Ադրբեջանը բոլոր հնարավոր միջոցները ձեռնարկում է, որ մեզ բերի բանակցային սեղանի շուրջ, քննարկի այն հարցերը, որոնք բխում են իրենց շահերից։ Նման իրավիճակում մենք կարող ենք ունենալ բանակցություն Ադրբեջանի հետ, շփում, հանդիպումներ կոնկրետ հարցեր քննարկելու համար։ Այս 3-ի համար անհրաժեշտ են պայմաններ, որոնք մենք չունենք»,-ասաց պետնախարարը։