Իրանի իշխանությունները ներում են շնորհել շուրջ 82 հազար մարդու

Իրանի իշխանությունները ներում են շնորհել շուրջ 22 հազար մարդու, ովքեր ձերբակալվել էին զանգվածային ցույցերին մասնակցելու համար։ Ընդհանուր առմամբˋ համաներումը վերաբերել է Իրանի՝ տարբեր հանցագործությունների համար դատապարտված ավելի քան 82 հազար քաղաքացու։ Այս մասին հայտնում է IRNA գործակալությունը՝ հղում անելով Իրանի Գերագույն դատարանի նախագահ Ղոլամհոսեյն Մոհսենի-Էջեյին։
Համաներումը համընկնում է Իրանի Իսլամական հեղափոխության հաղթանակի 44-րդ տարեդարձի հետ, փետրվարին այն համաձայնեցվել է Իրանի գերագույն առաջնորդ այաթոլլա Ալի Խամենեիի հետ։

«Մոտ 22000 մարդ, ովքեր առնչություն ունեն անկարգությունների հետ, ներում է ստացել։ Խոսքն արդեն դատապարտվածների և դատավճռին դեռ չսպասածների մասին է»,- ասել է նա։

Իրանում զանգվածային բողոքի ցույցեր տեղի ունեցան 2022 թվականի աշնանը։ Դրանք սկսվել էին 22-ամյա Մահսա Ամինիի մահից հետո, որին բարքերի ոստիկանությունը բերման էր ենթարկել հիջաբը ոչ ճիշտ կրելու համար։

Բողոքի ցույցերի արդյունքում բերման է ենթարկվել մոտ 19 հազար մարդ, որոնցից մի քանի հարյուր մարդ դատապարտվել է մահապատժի։ Իրականացվել են մի քանի մահապատիժներ։ Իրանի նախկին նախագահ Ալի Աքբարի դուստրը՝ Հաշեմի-Ռաֆսանջանին, եղել է բողոքի ակցիաների կոչ անելու համար դատապարտվածների թվում։