«Ի՞նչն եք բարեփոխում, որ շաբաթը մեկ ՔԿ-ի շտամպով ինքնասպան զինվորներ եք մատուցում». իրավապաշտպան

Հերթական «ինքնասպանություն» որակումն է տվել Քննչական կոմիտեն ԱԱԾ սահմանապահ զորքերում ծառայող 19-ամյա ժամկետային զինծառայող Արտյուշա Գևորգի Գևորգյանի մահվան դեպքով; Ո՛չ Պաշտպանության նախարարությունը, և ո՛չ էլ ԱԱԾ-ն պաշտոնական հաղորդագրություն չեն տարածել զինծառայողի մահվան դեպքով։ Բացատրելու փոխարեն, թե ինչու հաղորդագրություն չեն տարածել, ԱԱԾ-ից մեզ խորհուրդ են տալիս բոլոր հարցերով դիմել Քննչական կոմիտեին: Սա առաջին դեպքը չէ, երբ ՊՆ-ն և ԱԱԾ-ն մահվան դեպքերով պաշտոնական հաղորդագրություն չեն տարածում։ Դեկտեմբերի 13-ին նույնը տեղի ունեցավ Հրազդան քաղաքից բանակ զորակոչված ժամկետային զինծառայող Կարեն Դանիելյանի մահվան դեպքով (ինքնասպանության): Սա անարգանք է այս ընտանիքների նկատմամբ պետական մակարդակով։ Ինչ եք ուզում ասել, որ այդ զինծառայողները գոյություն չունե՞ն։ Ինչն եք բարեփոխում, որ շաբաթը մեկ Քննչական կոմիտեի շտամպով ինքնասպան զինվորներ եք մատուցում»։